Við bjóðum upp á fjölbreytt úrval kreditkorta í samstarfi við VISA og ættu flestir að finna kort við sitt hæfi.
Í boði eru hefðbundin kreditkort og fyrirframgreidd kreditkort, plúskort. Hægt er að fá kort með og án Vildarpunkta frá Icelandair. Mis miklar ferðatryggingar fylgja kortunum eftir tegundum.
Það er einfalt að tengja kreditkortið þitt við Apple Pay eða Google Pay.
Á vefsíðu Vátryggingarfélags Íslands (VÍS) er að finna upplýsingar um ferðatryggingar kreditkortanna sem eru mismunandi eftir tegund þeirra. Við viljum benda korthöfum á að hafa samband við VÍS vegna fyrirspurna um tryggingar og tjón á ferðalögum, www.vis.is, sími: 560-5000.
Hér getur þú séð upplýsingar um kortatryggingar sparisjóðanna.
Ef þú velur kreditkort með Vildapunktum Icelandair þá verðu þú félagi í Saga Club fríðindakerfi Icelandair.
Félagar í Saga Club:
Hér getur þú skráð þig inn í Saga Club til þess að skoða Vildarpunktastöðuna þína:
Úttektartímabil
Úttektartímabil kreditkorta sparisjóðsins er frá 22. degi hvers mánaðar til 21. dags næsta mánaðar.
Neyðarþjónusta
Utan opnunartíma viðskiptabanka/sparisjóða geta korthafar haft samband við neyðarþjónustu Rapyd í síma: 525-2000 í þeim tilfellum sem við á.
Neyðarþjónusta Rapyd sinnir þjónustu við korthafa s.s. að loka glötuðum/stolnum kortum, veita aðstoð í brýnni neyð á ferðalögum, með milligöngu um neyðarfé o.s.frv. Neyðarþjónusta Rapyd getur ekki svarað fyrir tryggingar á kortum en við bendum á neyðarþjónustu SOS international fyrir þá sem þurfa á slysa- og sjúkraþjónustu að halda á ferðalagi. Neyðarþjónusta SOS International sími: +45 7010 5050.
Hvernig tengi ég Debetkortið við Apple Pay eða Google Pay?
Það er einfalt að tengja Debitkortið þitt við Apple Pay og Google Pay, með því að smella á eftirfarandi linka færðu nánari upplýsingar um hvernig það er gert.
Hvar finn ég pin númerið mitt?
Pin númer kortsins er aðgengilegt í appinu og heimabanka.
Í appinu má er þetta undir "Meira" og "PIN-númer".
Í Heimabankanum er þetta undir "Yfirlit" í hægri stikunni og "PIN-númer".
Ef þú ert ekki með app eða heimabanka er hægt að hafa samband við þinn sparisjóð.
Hvað gerist ef ég slæ of oft inn rangt pin númer?
Ef þú slærð inn rangt pin númer þrisvar eða oftar læsist kortið. Hægt er að aflæsa pin númerinu í hraðbanka. Þú getur einnig haft samband við starfsfólk sparisjóðsins sem aðstoðar þig við að aflæsa pin númerinu.
Hvað get ég tekið mikið út af kortinu í hraðbanka?
Innlend hraðbankaheimild er 200.000 á sólarhring og erlendis er hún 200.000 kr. á sólarhring.
Hvernig virkar þriggja þátta auðkenning (3d Secure) þegar ég versla á netinu?
Til að auka öryggi korthafa í netviðskiptum hefur verið bætt við þriggja þátta auðkenning (3D-Secure) þar sem korthafi þarf að staðfesta greiðslu með rafrænum skilríkjum þegar verslað er á netinu. Kreditkort sparisjóðsins er alþjóðlegt Visa kort sem fylgir nýjustu öryggisstöðlum.
Hvernig virkja ég kortið?
Við fyrstu notkun þarftu að nota PIN númer til að ganga frá greiðslu og þá virkjast kortið sjálfkrafa.
Hvað geri ég ef kortinu er stolið eða það týnist?
Ef þú týnir kortinu þarftu að tilkynna það sem fyrst til sparisjóðsins eða til neyðarþjónustu Rapyd í síma 525-2000, utan opnunartíma sparisjóðsins.
Hvað geta snertilausar færslur verið háar?
Hámarksupphæð á snertilausri greiðslu er 8.000 kr. Samtals geta þær mest farið í 10.500 kr. og þá kallar kortið eftir að nota örgjörva og PIN. Því miður svara sumir posar með „Notið annað kort“ en það þýðir samt að nota eigi örgjörvann.
Færslur eru einnig taldar þannig að hægt er að gera fimm snertilausar færslur en í sjötta skiptið þarf að nota örgjörvann og PIN.
Eru snertilausar færslur öruggar?
Snertilausar færslur eru í notkun víðs vegar um heiminn og hafa gefið góða raun. Greiðslukort sparisjóðsins eru alþjóðleg VISA kort sem fylgja nýjustu öryggisstöðlum. Það er auðvelt að greiða snertilaust en öryggisráðstafanir lágmarka möguleika á misnotkun.
Við viljum benda korthöfum samt sem áður að gæta vel að greiðslukortum sínum og tilkynna til okkar ef kort glatast eða því er stolið. Sé greiðslukorti með snertilausri virkni stolið og þjófurinn nær að taka af því fé án þess að nota pin númerið ber korthafi ekki ábyrgð á tjóninu.
Einnig er mikilvægt að passa vel upp á pin númer sitt. Því miður eru dæmi um að þjófar fylgist með þegar pin númer er slegið inn og steli síðan kortinu. Slík tjón eru á ábyrgð korthafa.
Skilmálar 
Sæktu appið
Hafa samband