Önnur lán

Verðtryggt eða óverðtryggt

Helsti munurinn á verðtryggðum lánum og óverðtryggðum er eftirfarandi:

• Óverðtryggð lán hafa hærri mánaðarlega greiðslubyrði og hraðari eignamyndun. Þau eru ekki tengd vísitölu neysluverðs og hækka því ekki með verðbólgu
• Verðtryggð lán hafa lægri mánaðarlega greiðslubyrði en hægari eignamyndun. Þau eru tengd vísitölu neysluverðs og breytast því þegar verðlag á landinu hækkar eða lækkar

Blandað lán

• Lán til lengri tíma er í boði sem blandað lán og er það þá bæði verðtryggt og óverðtryggt. Blandað lán sem sameinar kosti beggja tegunda.

• Skammtímalán og Ökutækjalán eru einungis í boði sem óverðtryggð lán

Vextir

• Vextir verðtryggðra- og óverðtryggðra lána Sparisjóðsins eru breytilegir
• Breytilegir vextir verðtryggðra- og óverðtryggðra lána taka mið af vaxtatöflu sparisjóðsins á hverjum tíma og greiðslubyrði lánsins sveiflast því í takt við gildandi vexti á hverjum tíma. Vextir eru auglýstir í vaxtatöflu Sparisjóðsins
• Við ákvarðanir á vöxtum vegna verðtryggðra lána er horft á ávöxtunarkröfu verðtryggðra skuldabréfa útgefinna m.a. af Íbúðarlánasjóði, bönkum og fjármálafyrirtækjum á Íslandi, fjármögnunarkostnað sparisjóðsins, eiginfjár- og lausafjárbindingu vegna íbúðarlána, rekstrarkostnaðar, smásöluálagningu, álagningu vegna útlánaáhættu og stjórnvaldsfyrirmæla
• Vextirnir óverðtryggðra lána eru byggðir þannig upp að grunnvextir eru stýrivextir Seðlabanka Íslands að viðbættu vaxtaálagi sparisjóðsins. Ef Seðlabankinn breytir stýrivöxtum þá breytast grunnvextir lánsins allra jafna til samræmis. Ef vextirnir breytast meira en vegna breytinga Seðlabankans, t.d. vegna breytinga á vaxtaálagi sparisjóðsins, þá mun sparisjóðurinn tilkynna um slíkar umfram breytingar fyrirfram
• Viðskiptavinum er ávallt heimilt að greiða lánið upp, í heild eða hluta, hvenær sem er án uppgreiðslugjalds

Lánstími

• Skammtímalán er til allt að 5 ára
• Lán til lengri tíma er til allt að 30 ára
• Ökutækjalán er til allt að 7 ára

Veðhlutfall

• Miðað er við að lán til lengri tíma séu annaðhvort á 1. veðrétti eða 2. veðrétti hámarksveðhlutfall sé 60-80%, en það er metið hverju sinni.
• Skylt er að hafa veðsetta fasteign jafnan vátryggða fyrir eldsvoða og öðru tjóni. Ef samtala lánsins og áhvílandi lána á fyrri og samhliða veðrétti er hærri fjárhæð en skráð brunabótamat fasteignarinnar er lántaka skylt að hafa viðbótarbrunatryggingu þannig að heildarbrunatrygging nemi sannvirði eða raunverði fasteignarinnar

Jafnar afborganir eða jafnar greiðlsur

Skammtímalán, Lán til lengri tíma og Ökutækjalán geta verið með með jöfnum afborgunum af höfuðstól eða jöfnum greiðslum (annuitet).

• Jafnar greiðslur - Þegar greitt er af íbúðaláni með jöfnum greiðslum er u.þ.b sama heildarfjárhæð greidd í hverjum mánuði. Ef íbúðalánið er verðtryggt þá breytist greiðslubyrði nokkurn veginn í takt við þróun verðlags yfir tímann. Greiðslubyrði af láni með jöfnum greiðslum er alla jafna lægri í upphafi en mánaðargreiðsla á sambærilegu láni með jöfnum afborgunum
• Jafnar afborganir - Þegar greitt er af íbúðaláni með jöfnum afborgunum er sama fjárhæð greidd af höfuðstól lánsins í hverjum mánuði auk vaxta og verðbóta ef lánið er verðtryggt. Greiðslubyrði af íbúðalánum með jöfnum afborgunum er hærri í upphafi en þegar greitt er með jöfnum greiðslum, en lækkar með tímanum í takt við lækkun höfuðstóls

Kostnaður

• Þinglýsingargjald, sem rennur í ríkissjóð, skal greiða samkvæmt lögum um aukatekjur ríkissjóðs, nr. 88/1991, með síðari breytingum
• Lántökugjöld eru samkvæmt gjaldskrá Sparisjóðsins

Greiðslumat

Ef til lánveitingar kemur fær viðskiptavinur m.a. sent rafrænt greiðlsumat sem tekur aðeins nokkrar mínútur að framkvæma. Í greiðlsumati er greiðlsugeta þín reiknuð og m.a. notast við upplýsingar um launatekjur, eignir og skuldir. Til að hefja greiðlsumatsferlið þarf rafræn skilríki.

Mikilvægt að þekkja eigin greiðslugetu og miða lánsumsókn við hana.