Aðalfundur og breyttar reglur um viðskipti með stofnfé Sparisjóðs Suður-Þingeyinga

Stjórn Sparisjóðsins hefur samþykkt breytingu á reglum um viðskipti með stofnfé í samræmi við umræður á aðalfundi 2022, þannig að viðskipti með stofnfé eru hér eftir óheimil frá því að ársreikningur er birtur á heimasíðu sparisjóðsins þar til aðalfundi er lokið.  Ástæða breytinganna er að á síðasta aðalfundi voru viðskipti með stofnfé allt fram á aðalfundardag með tilheyrandi breytingum á atkvæðavægi stofnfjáreigenda.  Þetta gerði starfsfólki aðalfundarins erfitt fyrir í utanumhaldi með atkvæðagreiðslum og tafði fundinn talsvert.

Aðalfundur Sparisjóðs Suður-Þingeyinga ses verður haldinn 28. apríl kl 17.00 í Skjólbrekku.  Ársreikningur verður birtur á heimasíðu sparisjóðsins, www.spthin.is 14. apríl kl 16.00 og verða viðskipti með stofnfé óheimil eftir þann tíma og fram yfir aðalfund.

Vakin er athygli á að sparisjóðurinn á óselt stofnfé og er áhugasömum kaupendum bent á að hafa samband við sparisjóðinn á spthin@spthin.is eða í síma 464 6200