Yfirlýsing vegna sáttar milli Sparisjóðs Strandamanna ses og Fjármálaeftirlits Seðlabankans

Yfirlýsing vegna sáttar milli Sparisjóðs Strandamanna ses og Fjármálaeftirlits Seðlabankans. 

Sparisjóður Strandamanna hefur gert samkomulag um sátt við Fjármálaeftirlit Seðlabanka Íslands vegna ágalla á verklagi sjóðsins vegna laga nr. 140/2018, um aðgerðir gegn peningaþvætti og fjármögnum hryðjuverka.

Sparisjóður Strandamanna hefur brugðist við ábendingum FME og gert umbætur á umfangi og verklagi vegna aðgerða gegn peningaþvætti og fjármögnum hryðjuverka.

Sparisjóður Strandamanna ses er sjálfseignastofnun sem starfar samkvæmt lögum um fjármálafyrirtæki nr. 161/2002 og veitir þjónustu til viðskiptavina sinna frá starfsstöð sinni á Hólmavík.  Starfssvæði sparisjóðsins er Strandabyggð, en sjóðurinn starfar og býður þjónustu sína með þeim starfsheimildum sem hann hefur lögum samkvæmt á Íslandi.

Starfsemi sparisjóðsins fer fram í einni viðskiptaeiningu með tveimur afgreiðslum, á Hólmavík og í Norðurfirði á Ströndum, símaþjónustu og rafrænni þjónustu. Sparisjóður Strandamanna er með afmarkað vöruúrval og viðskiptamannahóp sem er sambland af einstaklingum og lögaðilum sem starfa að mestu á starfssvæði sparisjóðsins. Stöðugildi voru 6 í árslok 2020. Sparisjóðurinn er að nær öllu leiti í eigu rúmlega eitt hundrað Strandamanna.

Vakin er athygli á því að viðskiptamenn sparisjóðsins eru nær allir búsettir á Ísland. Fjöldi viðskiptavina með búsetu erlendis er hverfandi og í afar lágu hlutfalli miðað við alla viðskiptamenn sjóðsins.

Sparisjóður Strandamanna fagnar tækifæri til frekari umbóta og hefur alla tíð eða í 130 ár sýnt samfélagslega ábyrgð og hyggst gera það hér eftir sem hingað til.