Erlendar greiðslur

Í hvaða gjaldmiðlum get ég sent/móttekið erlendar greiðslur?

Sparisjóðurinn býður uppá erlend viðskipti í eftirfarandi gjaldmiðlum: USD, EUR, GBP, DKK, SEK, NOK, CAD, CHF, JPY.

Hvað þarf ég að gera til að hefja erlendar greiðslur hjá Sparisjóðnum?

Erlendar greiðslur eru framkvæmdar í Heimabanka Sparisjóðsins.

Erlendar greiðslur má finna undir “Erlend millifærsla“ í heimabankanum. Í fyrsta sinn sem erlend greiðsla er framkvæmd þarf að samþykkja skilmála um erlendar greiðslur.

Ef viðskiptavinur er ekki með heimabanka þá þarf að sækja um aðgang og fylla út áreiðanleikakönnun. Einstaklingar geta nálgast ”Umsókn um Heimabanka / app” í gegnum hnappinn hér að neðan:

Umsóknir

Hvaða erlendu greiðslur eru í boði?

Það er einfalt og þægilegt að millifæra í heimabankanum. Hægt er að framkvæma IBAN, SWIFT og FEDWIRE greiðslur

IBAN er notað í Evrópu, SWIFT er notað um allan heim og margir bankar í Bandaríkjunum nota Fedwire.

Starfsmenn sparisjóðanna geta ráðlagt þér hvort greiðsluleiðin hentar þinni greiðslu betur.

Tilkynningarskylda til seðlabankans

Vakin er athygli á því að Sparisjóðnum ber að tilkynna allar erlendar greiðslur til Seðlabanka Íslands. Því er mikilvæg að viðskiptavinir flokki færslur með viðeigandi hætti þegar óskað er eftir erlendri greiðslu.

Nauðsynlegar upplýsingar um viðtakanda fyrir erlenda greiðslu

Fullt nafn viðtakanda
Heimilisfang viðtakanda
IBAN númer/Reikningsnúmer viðtakanda
SWIFT númer erlenda bankans eða Bank Code/Sort Code

Hvað tekur langan tíma fyrir erlenda greiðslu að berast?

Erlendar greiðslur skila sér til viðtakanda á 1-3 virkum dögum. Einstaka greiðslur berast samdægurs.

Hvað kostar að senda erlenda greiðslu?

Upplýsingar um kostnað sendanda má nálgast í verðskrá Sparisjóðsins. Fyrir Swift greiðslur bætist við erlendur banka kostnaður sem er dreginn af greiðslunni af þeim bönkum sem greiðslan fer í gegnum á leið sinni á áfangastað.

Hvar finn ég SWIFT og IBAN númerið mitt?

Þegar þú hefur samþykkt skilmála fyrir erlendar greiðlsur í Heimabankanum þá opnast fyrir erlendar greiðslur í Heimabankanum. Í kjölfarið færðu sendan tölvupóst með IBAN númeri og SWIFT númeri. Þessi númer eru notuð þegar þú móttekur erlendar greiðslur á reikning hjá Sparisjóðnum.

Hvenær er hægt að framkvæma erlendar millifærslur?

Opnunartími erlendra millifærslna er eftirfarandi:
Opið frá kl. 9.00 - 16.00 virka daga.
Utan þessa tíma er hægt að senda erlendar millifærslur en framkvæmd þeirra fer fram á opnunartíma.

Sæktu appið

Hafa samband